Baliotsuak gara

Baliotsuak gara

Helburua

Taldekide guztien ekarpena identifikatu eta balioan jartzea bilatzen du bizipen honek. Pertsona bakoitzak taldeari ematen dion horri arreta jarri eta aitortza eta eskertzari tokia ematea. 

Ikuspegia

Taldean dauden balio eta rolei begiratuko zaie. Zein uste duzu dela zurea? Eta gainerakoek zein uste dute betetzen duzula? Zertan zarete indartsu? Eta zer duzue indartzeko? 

Kide guztien ekarpena ikusarazi eta aitortu zein eskertzeko aukera eskaintzen duen bizipena da.

Rol bakoitzaren ekarpena ulertu eta bizitzeak, taldea bere osotasunean ikusi eta ulertzeko aukera ematen du. Ordura arte izandako begirada aldatu eta lankideei beste leku batetik begiratzeko aukera erraztuz.

Norentzat

Taldeari sakontasun gehiagorekin begiratu nahi diozuen horiei zuzendua. Pertsonen ekarpenari balio bat eman nahi diozuen taldeei. Dagoena edo falta den horri ere begiratzeko gogoz zaudeten horientzat egokia.

Metodologia

4 orduko saioa. Dinamika eta gogoeta.